आज मिति २०८० साल फागुन २४ बिहिवार । फागुन कृष्ण द्वादशी ।पञ्चाङ्ग: वरियान कौलव उत्तरषाढा । मार्च ७ सन् २०२४

यस्ताे छ राशिफल

मेष : छोटो समयमा विशेष उपलब्धि हासिल गर्न सकिनेछ। प्रणय सम्बन्ध प्रगाढ  हुने समय छ। नयाँ ज्ञान सिक्ने मौका मिल्नेछ। प्राविधिक कामबाट राम्रो फाइदा हुनेछ। रमणीय र सुखद यात्राको योग छ।

बृष : पुनर्मिलनको योग छ। रमाइलो यात्राको सम्भावना छ र त्यसबाट दीर्घकालीन फाइदा पुग्नेछ। बन्धुबान्धवबाट सहयोग मिल्नेछ। परोपकारका क्षेत्रमा लगानीको समय छ। प्रेमका कोपिलाहरू फक्रिएर जानेछन्।

मिथुन :  स्वास्थ्यका लागि व्यायाम तथा आहारविहारमा ध्यान पुर्‍याउनुहोला। प्रतिस्पर्धीले तपाईँको खुट्टा तान्ने प्रयास गर्न सक्छन्। माया प्रेममा धोका हुन सक्छ भने एकोहोरो प्रेमले सताउनेछ।

कर्कट : धार्मिक कामका विभिन्न अवसर फेला पर्नेछन्। परिवारका सदस्यसँग भेटघाट हुनेछ। कार्यमा रुचि बढ्नेछ। सेयर बजारबाट राम्रो सफलता मिल्ला।

सिंह :  लगनशीलताले कामहरू अगाडि बढ्नेछन्। शुभकार्य र नयाँ कार्यको योजना बन्नेछ। व्यवसायका लागि यात्राको सम्भावना छ। माया प्रेममा आत्मीयताको बढोत्तरी हुनेछ।

कन्या : सफल यात्राको योग छ। शुभकार्यको चर्चा चल्नेछ। माया प्रेममा सामीप्यता बढेर जानेछ। वैदेशिक काममा सफलता मिल्नेछ। धार्मिक  आस्था बढेर जानेछ। साँझमा पैसा खर्च हुने तथा चोटपटकको भय छ सचेत रहनुहोला।

तुला : भाग्य शक्ति कमजोर हुनाले चिताएको कार्यमा सोचे जस्तो सफलता नमिल्ला। मनमा शंका तथा डरका कारण बनिसकेको काममा दुबिधा उत्पन्न हुन सक्छ।

बृश्चिक : कार्य सम्पादनमा सहजता मिल्नेछ। सामाजिक सेवा गर्ने अवसरले मानप्रतिष्ठा बढाउनेछ। नयाँ ज्ञान सिक्ने मौका मिल्नेछ। प्रेम र मित्रताको बन्धन कसिने बेला छ।

धनु :  बुद्धिको उपयोग गर्नाले जटिल ठानिएको काम समेत सम्पादन हुन सक्छ। प्रेमीले नयाँ स्थानको भ्रमण गर्ने प्रस्ताव राख्न सक्छन्। शुभकार्यको चर्चा चल्नेछ। इस्टमित्रसँग मेलमिलाप हुनेछ। पुनर्मिलनको योग छ।

मकर :  एउटै कामबाट दोहोरो लाभ मिल्न सक्छ। सवारी साधन खरिद गर्ने योजना बन्नेछ। महत्त्वपूर्ण कामको जिम्मेवारी आइलाग्न सक्छ। राजनीतिक चिन्तन बढ्नेछ। आफूसँग भएको क्षमता प्रदर्शन गर्ने अवसर जुट्ला।

कुम्भ : समयमा होस नपुग्नाले काम रोकिन सक्छ। सामान्य कामका लागि धेरै दौडधुप गर्नुपर्नेछ। कसैले झुटो आश्वासन दिन सक्छन्। अरूका विषयमा चासो लिँदा व्यर्थैमा झमेला बेहोर्नुपर्ला।

मीन : परीक्षा आदि प्रतिस्पर्धामा उत्तीर्ण हुन सकिनेछ। मनमा हर्ष, उमङ्ग र उत्साह छाउनेछ। दाम्पत्य सुखमा रमाउने समय छ। भौतिक सुविधाका साधन खरिद गर्ने अवसर जुट्नेछ।