काठमाडौं । दक्षिण भारतीय स्टार यश अब खलनायककाे भूमिकामा देखिने भएका छन्। रणवीर कपुर र साई पल्लवी स्टारर फिल्म ‘रामायण’मा उनी रावणको भूमिकामा देखिन लागेका हुन् ।

यस फिल्ममा रणवीर कपूरसहित साई पल्लवीको पनि मुख्य भूमिका रहेको छ। दंगल, छिछोरे जस्ता हिट फिल्म बनाएका नितेश तिवारी यस फिल्मलाई निर्देशन गर्नेछन्।

यशले यो भूमिकाका लागि १५० करोड भारु पारिश्रमिक लिएका छन्। जुन हिन्दी सिनेमाको इतिहासमा खलनायकले लिने सबैभन्दा धेरै पारिश्रमिक हो।

भारतीय सञ्चारमाध्यमका अनुसार यश केजीएफ ३ को सुटिङमा पनि व्यस्त छन्। तर, पनि उनले आफ्नो पहिलो बलिउड फिल्मको रुपमा रामायणलाई रोजेका छन्।