अर्घाखाँची । अर्घाखाँची जिल्लाको पाणिनी गाउँपालिका–६ धातिवाङ वडा कार्यालयलाई एक परिवारले तीन रोपनी जग्गा दान गरेका छन् ।

धातिवाङ उलेर्नी निवासी स्व पूर्णकला पौडेलको सम्झनामा समाजसेवी भोजराज पौडेल र उनका छोराहरु न्यायाधीश धनिश्वर पौडेल, रामप्रसाद पौडेल र वेदराज पौडेलले तीन रोपनी जग्गा दान गरेका हुन् ।

धातिवाङकै इतिहासमा वडा कार्यालयका लागि पहिलोपटक जग्गा दान भएको वडाअध्यक्ष कृष्ण पौडेलको भनाइ छ । सो जग्गा किन्नु परेको भए धेरै मूल्य पर्ने बताउँदै उनले स्व आमाको बैकुण्ठबासको कामना गरे । पौडेलको २०८० फागुन १० गते काठमाडौँमा निधन भएको हो । उनको परिवार सामाजिक क्षेत्रमा क्रियाशिल परिवार हो ।