काठमाडौं । संसदको गतिरोध अन्त्यका लागि सत्तारुढ दल र प्रमुख प्रतिपक्षी नेपाली कांग्रेसबीच बालुवाटारमा छलफल सुरु भएको छ ।

जारी सत्तापक्षबाट छलफलमा प्रधानमन्त्री पुष्पकमल दाहाल प्रचण्डसँगै नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका सभापति तथा गृहमन्त्री रवि लामिछाने र कानुन, न्याय तथा संसदीय मामिलामन्त्री पदम गिरी सहभागी छन् ।

यस्तै नेपाली कांग्रेसका तर्फबाट सभापति शेरबहादुर देउवा, महामन्त्री गगन थापा, राष्ट्रियसभा संसदीय दलका नेता कृष्णप्रसाद सिटौला र संसदीय दलका प्रमुख सचेतक रमेश लेखक सहभागी छन् ।

कांग्रेसले सहकारी ठगी प्रकरणमा गृहमन्त्री लामिछानेको संलग्नताबारे छानबिनका लागि संसदीय समिति गठनको माग गर्दै निरन्तर सदन अवरुद्ध गर्दै आएको छ ।

यसअघि आजै एक कार्यक्रममा बोल्दै प्रधानमन्त्री प्रचण्डले कांग्रेससँगको छलफल सकारात्मक भएको भन्दै भोलि बिहानसम्म सदनमा देखिएको अवरोध हट्ने बताएका थिए ।