क्यालिफोनिर्या । सामाजिक सञ्जाल कम्पनी फेसबुकको माउ कम्पनी मेटाले बेला–बेलामा अनौठा–अनौठा प्रडक्टहरू ल्याउने गरेको छ ।

मार्क जुकर वर्गको यस कम्पनीले बजारमा ल्याएका ल्याएका सबै प्रडक्टलाई युजरहरूले मन पराएका छैनन् । यो फरक कुरा हो ।

कम्पनीले अब नयाँ खालको इयरबडमा काम गरिरहेको छ । यो इयरबडमा इन–बिल्ट क्यामेरा पनि हुनेछ ।

सुन्दा अलि अनौठो लाग्न सक्छ । तर यो कुरा सत्य हो । तपाईले प्रायः गीत सुन्न प्रयोग गर्ने इयरबडमा अब क्यामेरा पनि हुनेछ । मेटाले यो इयरबडको नाम क्यामेराबड्स राखेको छ ।

कस्तो हुनेछ मेटाको क्यामेराबड

रिपोर्टका अनुसार क्यामेराबडका दुवै बडमा क्यामेरा जडान गरिनेछ । यी क्यामेराले तपाईंको आसपास भएका चीजहरू रेकर्ड गर्नेछन् र तपाईंको प्रश्नहरूको जवाफ दिनेछन् ।

मेटाको यो प्रोजेक्ट अहिले प्रारम्भिक चरणमै छ । सबाहेक कम्पनीले यसको डिजाइन कस्तो हुने भन्नेबारे पनि अन्तिम निर्णय गरेको छैन ।

क्यामेराबडमा एआई सपोर्ट गर्नेछ । यसले अनुवादको काम पनि गर्नेछ । दुवै बडमा बाहिरी भागमा क्यामेरा जडान हुनेछ ।

रिपोर्टका अनुसार यी बडहरूले मल्टिमोडल एआई र यसमा जडान गरिएको क्यामेरा सर्पोट गर्नेछ ।

प्रयोगकर्ताहरूसँग बडको स्मार्ट चस्मा जस्तै हुनेछ कि ल्याग फ्रि हुन्छ भन्ने चाँहि स्पष्ट भइसकेको छैन ।