एजेन्सी । हाँस्य कलाकार तथा बिगबोस विजेता मुनव्वर फारुकीको विवाहको खबर अहिले चर्चाको विषय बनेको छ ।

मुनव्वरको महजबीन कोटवालासँग विवाह भएको हो । उनीहरुको भेटघाट पहिलोपटक टेलिभिजन अभिनेत्री हिना खानले गराएको बताइएको छ ।

भारतीय संचारमाध्यमका अनुसार हिना खानले दुई महिना पहिले एक कार्यक्रममा मुनव्वरलाई महजबीनसँग भेट गराएकी थिइन् । हिनाले महजबीनलाई मुनव्वरको मेकअप गर्न पठाएकी थिइन् । त्यही चिनजान र प्रेम सुरु भएको थियो ।

२६ मेका दिन उनीहरुले नजिकका साथी तथा परिवारको उपस्थितिमा विवाह गरे । तर, यो खबर धेरैले पछि मात्रै थाहा पाएका थिए ।

मुनव्वरको सामाजिक संजालमा महजबीनसँगको फोटो पनि भाइरल भइरहेको छ । अहिलेसम्म दुवैले विवाहको बारेमा कुनै बयान भने दिएका छैनन् ।

महजबीन पेसाले मेकअप आर्टिस्ट हुन् । यो उनको पनि दोस्रो विवाह हो ।

पहिलो श्रीमानबाट उनको १० वर्षकी छोरी छन् । त्यस्तै मुनव्वरको पहिलो विवाहबाट एउटा छोरा छन् । मुनव्वर बिग बोस १७ का विजेता हुन् ।