काठमाडौं । युरोपेली देश बुल्गेरिया नेपालसँग श्रमसम्झाैता गर्न सकारात्मक काठमाडौं । श्रम, रोजगार तथा सामाजिक सुरक्षा मन्त्री डोल प्रसाद अर्यालसँग नेपालका लागि बुलगेरियाका गैरआवासीय राजदूत H.E Nokolay Yankot शिष्टचार भेटवार्ता गरेका छन् ।

शुक्रबार मन्त्रालयमा भएको भेटवार्तामा दुई पक्षीय सम्बन्धका विविध आयामका बारेमा छलफल भयो । छलफलमा श्रममन्त्री डोलप्रसाद अर्यालले बुलगेरियाले नेपाली श्रमिकलाई प्राथमिकतामा राखेकोमा धन्यवाद दिए ।

मन्त्री अर्यालले नेपाली श्रमिकका लागि सुरक्षित श्रम गन्तब्य खोजी गरी रहेको बताउँदै बुलगेरियामा पनि नेपाली श्रमिकका लागि सम्भावित मुलुक हुन सक्ने बताए । ‘हाम्रा श्रमिकलाई सुरक्षा प्रदान गर्ने र समान व्यवहार गर्ने मुलुकलाई हामीले प्राथमिकता दिएका छौ,’ उनले भने । त्यस्तै, मन्त्री अर्यालले नेपाली श्रमिकलाई औपचारिक माध्यमबाट बुलगेरिया पठाउन दुई पक्षीय श्रम सम्झौता गर्न नेपाल सकारात्मक रहेको बताए ।

साथै नेपाली श्रमिकलाई भारत गएर भिसा लगाउनु पर्ने बाध्यतालाई हटाउन नेपालमा नै भिसा सेन्टर स्थापना गर्न पनि आग्रह गरे । छलफलमा नेपालका लागि बुलगेरियाका गैरआवासीय राजदूत H.E Nokolay Yankot ले बुलगेरियामा नेपाली श्रमिकको लागि सेवा, मेशिनरी र निर्माण लगायतका क्षेत्रमा सम्भावना रहेको बताए ।