काठमाडौं । कलाकार तथा मोडल दीपेश लामाको निधन भएको छ ।

मंगलबार काठमाडौंको बसुन्धरामा हिँड्दै गरेको अवस्थामा अचानक बेहोस भएर लडेका दीपेशको सडकमै निधन भएको परिवारका सदस्यले जनाएका छन्।

३९ वर्षीय लामाले थुप्रै गीतमा मोडलिङ गरेका छन् । उनको ‘तिमीलाई सम्झी बाटो हेरी कुरिरहन्थे म, सानु म’ सर्वाधिक हिट भएकाे थियाे। आलोक नेम्वाङको निर्देशन, प्रेम लामाको स्वर रहेको यो गीतको भिडियोमा दीपेश र सुबानी मोक्तानको अभिनय छ।

लामाले दर्जनौं म्युजिक भिडियोमा अभिनय गरेका छन् ।