नयाँ दिल्ली । बलिउड अभिनेत्री श्रद्धा कपुरले आफू प्रेममा रहेको पुष्टि गरेकी छिन् । उनले लामो समयदेखि राहुल मोदीलाई डेट गरिरहेको हल्ला चलेको थियो । केही सञ्चारमाध्यमले उनी छिट्टै विवाह गर्ने योजना बनाइरहेको दाबी पनि गरेका थिए ।

यसैबीच श्रद्धा कपुरले राहुल मोदीसँगको आफ्नो सम्बन्धलाई अफिशियल गर्दै एउटा पोस्ट सेयर गरेकी छिन् ।

उनले इन्स्टाग्राम स्टोरीमा राहुलसँग एउटा सेल्फी पोस्ट गरेका छिन् । पोष्टमा मुटुको इमोजीको साथमा ‘मुटु राख तर निद्रा त फिर्ता देउ’ भनेकी छिन् ।

श्रद्धा–राहुलको भेट फिल्म ‘तू झुठी मै मक्कर’को सेटमा भएको बताइएको छ । यही सेटबाट दुवैको प्रेम कथा सुरु भएको हल्ला सुन्नमा आएको छ ।

अभिनेत्रीले आफ्नो सोशल मिडिया ह्यान्डलमा राहुलसँग खिचेको फोटो सेयर गरेको यो पहिलो पटक हो ।