काठमाडौं । ५८ वर्षको उमेरमा पनि अविवाहित रहँदा सलमान खानलाई निकै प्रश्नहरु आउने गर्छन् । मानिसहरू उनलाई बारम्बार अहिलेसम्म बिहे किन नगरेको भनेर सोधिरहन्छन् । यसअघि सलमानले कसैलाई भेटेपछि बिहे गर्ने र यो नै आफ्नो पहिलो र अन्तिम बिहे होस् भनेका थिए ।

अहिले सामाजिक सञ्जालमा सलमानका पिता सलीम खानको एउटा भिडियो भाइरल भइरहेको छ जसमा उनी छोरा सलमानको विवाहको कुरा गरिरहेका छन् ।

भिडियोमा, सलीम भन्छन्, ‘सलमान सजिलै सम्बन्धमा आउँछन् तर विवाह गर्ने हिम्मत जुटाउन सक्दैनन् । सलमानको स्वभाव एकदमै सरल छ र उनी सजिलै आकर्षित हुन्छन् । तर, केटीले आफ्नी आमाले जस्तै परिवार सम्हाल्न सक्लान् कि भनेर डराउँछन् । किनभने उनले भेट्टाएका सबै केटीहरू करियर उन्मुख थिए’।

यसअघि एक भिडियोमा सलमानले आफू अझै अविवाहित हुनु उनको गल्ती भएको दाबी गरेका थिए । उनले भनेका थिए ‘पहिलोले छाडेर जाँदा उसको गल्ती लाग्छ, दोस्रोले सम्बन्ध छोडेर जाँदा उसको गल्ती ठान्छौ, तेस्रोले पनि त्यसै गर्दा गल्ती उसको हो भन्ने लाग्छ तर चौथो पटक , तपाईलाई शंका लाग्न थाल्छ, ‘उनीहरूको गल्ती हो कि मेरोरुु सायद यो मेरो डर हो, कि म उनीहरुलाई जीवनमा त्यो खुशी दिन सक्दिन’।

सलमान अन्तिम पटक मनेश शर्माको निर्देशनमा बनेको फिल्म टाइगर ३ मा देखिएका थिए, जसमा कट्रिना कैफ र इमरान हाश्मी पनि थिए। हाल सलमान फिल्म ‘सिकंदर’ को सुटिङमा व्यस्त छन् । रिपोर्टका अनुसार सलमान र रजनीकान्त निर्देशक एट्लीको आगामी प्रोजेक्टमा सँगै देखिनेछन् ।