मुम्बई । बलिउड अभिनेता शाहरुख खानकी छोरी सुहाना खान र अमिताभ बच्चनका नाति अगस्त्य नन्दा हालै लण्डनको एक नाइट क्लबमा साथै देखिएका छन् ।

दुवैले एक अर्कालाई डेट गरिरहेको खबर आइरहेको बेला उनीहरु नाइट क्लबमा साथै देखिएका हुन् । दुवैको एउटा भिडियो भाइरल भइरहेको छ ।

सुहाना र अगस्त्यले जोया अख्तरको फिल्म ‘द आर्चिज’बाट एकसाथ फिल्ममा डेब्यू गरेका थिए ।

सुहाना एक फिल्मको सुटिङका लागि लण्डनमा रहेको बताइएको छ ।

केही समययता शाहरुख खानकी छोरी सुहाना खान र अमिताभ बच्चनका नाति अगस्त्य नन्दको डेटिङको खबर चर्चामा छ । यी अफवाहमा दुवैले कुनै प्रतिक्रिया दिएका छैनन् ।