नुवाकोट । नुवाकोट जिल्लाको सुर्यगढी गाउँपालिकाले बालबिवाह रोक्न पृथक गतिविधी अघि बढाएको छ ।

अहिलेको बदलिँदो परिवेशमा एक गम्भिर चुनौतिको रुपमा देशैभर रहेको बाल विवाहको दरलाई रोक्नको लागि सुर्यगढी गाउँपालिकाको महिला बालबालिका तथा ज्येष्ठ नागरिक शाखाले फरक रणनीति अघि सारेको हो ।

वागमति प्रदेश सामाजिक विकाश मन्त्रालयको सहयोगमा सञ्चालित ‘बालविवाह अन्त्यका लागिसमुदाय परिचालन’ कार्यक्रम अन्तर्गत उक्त शाखाले बालविवाह न्यनिकरणका लागि बालविवाह र सजाएँ लगायत कानुनी ब्यबस्थाको विषयमा प्रशिक्षण गरी तत्पश्चात ‘म कानुनले तोके बमोजिम २० बर्ष पुरा भएपछि मात्र बिहे गर्नेछु र अरुलाई पनि भन्नेछु’ भन्ने भनाईको सपथ गराउँदै प्रतिबद्धता पत्रमा हस्ताक्षर गराई कार्यक्रम समापन गरिएको थियो ।

बालविवाह रोक्ने उपाए मध्ये आफुलाई भौतिक दबाब पर्ने प्रतिबद्धता पत्रमा हस्ताक्षर गराईएको र यसले बालविवाह न्युनिकरणमा प्रभावकारी भूमिका खेल्नेमा आफु विश्वस्त रहेको सुर्यगढी गाउँपालिकाको महिला बालबालिका तथा ज्येष्ठ नागरिक शाखा प्रमुख राममणि अधिकारीले बताए ।

उनले यस बर्ष २,३,४, र ५ नं. वडाका चार सय पचास विद्यार्थीले प्रतिबद्धता सहित हस्ताक्षर गरेकोमा आगामी बर्ष एक हजार किशोर/ किशोरीलाई प्रतिबद्ध गारउने लक्ष्य रहेको शाखा प्रमुख अधिकारीले बताएका छन् ।

बालविवाह अन्त्यका लागिसमुदाय परिचालन कार्यक्रम यो हस्ताक्षर गाउँपालिकामा सञ्चालन भएको थियो ।