जनकपुरधाम । मधेश प्रदेशका नेकपा माओवादी केन्द्रका संसदीय दलका नेता भरतप्रसाद साहलाई पदबाट हटाउन बहुमत सांसदले अविश्वासको प्रस्ताव दर्ता गराएका छन् ।

मधेशमा रहेका माओवादीका ९ मध्ये ६ सांसदले साहविरूद्ध अविश्वासको प्रस्ताव उपनेता युवराज भट्टराईसमक्ष पेश गरेका हुन्।

प्रस्ताव दर्ता गराउनेमा माओवादी संसदीय दलका प्रमुख सचेतक फकिरा महतो, प्रदेशसभा सदस्यहरू जवाहर कुशवाहा, राजी हैदर, सुनिता यादव, मालाकुमारी कर्ण र रहबर अन्सारी रहेका छन् ।

लिखित सूचना प्राप्त भएपछि उपनेता भट्टराईले विधान अनुसार १५ दिनभित्र बैठक बोलाउन प्रमुख सचेतकलाई निर्देशन समेत दिइसकेका छन्।

यसअघि सुदूरपश्चिम प्रदेशमा पनि माओवादी संसदिय दलका नेता रहेका खगराज भट्टलाई हटाउन प्रश्ताव भएकाे थियाे । जसमा माओवादीका ११ मध्ये ६ सांसदले हस्ताक्षर गरेका थिए । त्यसपछि उपनेता अक्कल रावलले भट्टलाई हटाएर दलको नेतामा धामीलाई चयन गरेका थिए ।