काठमाडौं । नेकपा एमाले र नेपाली कांग्रेसले नयाँ सरकार गठनका लागि बहुमत रहेको दाबीसहितको पत्र राष्ट्रपति रामचन्द्र पौडेलसमक्ष पेस गर्ने तयारी गरेका छन् ।

एमाले अध्यक्ष केपी शर्मा ओली र कांग्रेसका सभापति शेरबहादुर देउवाको हस्ताक्षरसहितको पत्र शीतलनिवासमा बुझाउने तयारी भएको हो ।

कांग्रेस र एमालेबीच एमाले अध्यक्ष ओलीलाई प्रधानमन्त्री बनाउने सहमति भएको थियो । विश्वासको मत गुमाएर पुष्पकमल दाहाल प्रचण्ड पदमुक्त भएपछि नयाँ सरकार गठनको प्रक्रिया सुरु हुँदै छ ।