काठमाडौं । चौथो पटक प्रधानमन्त्री बनेका केपी शर्मा ओलीले २२ सदस्यीय मन्त्रीपरिषद् गठन गरेका छन् ।

ओली नेतृत्वको २२ सदस्यीय मन्त्रिपरिषद्‍मा १० नयाँ अनुहारले अवसर पाएका छन् ।

कांग्रेसबाट परराष्ट्र आरजु राणा, पर्यटन बद्री पाण्डे, स्वास्थ्य प्रदीप पौडेल, कृषि रामनाथ अधिकारी, वन ऐनबहादुर शाही, युवा तथा खेलकुद मन्त्री तेजुलाल चौधरी गरी ६ जना पहिलोपटक मन्त्री बनेका हुन् ।

यस्तै एमालले पनि ४ नयाँ अनुहार सरकारमा पठाएको छ । एमालेबाट रक्षामन्त्री मानवीर राई, शिक्षा, विज्ञान तथा प्रविधिमन्त्री विद्या भट्टराई, भौतिक पूर्वाधार तथा यातायातमन्त्री देवेन्द्र दाहाल र संघीय मामिला तथा सामान्य प्रशासनमन्त्री राजकुमार गुप्ता पहिलोपटक मन्त्री बनेका हुन् ।