सोलुखुम्बु। सोलुखुम्बु जिल्लाको सोलुदुधकुण्ड नगरपालिका–६ दोर्पूमा माटोको ढिस्कोले पुरिएका व्यक्तिको सशस्त्र प्रहरीले साउन ४ गते उद्धार गरेको छ ।

सोही जिल्लाको माप्य दुधकोशी गाउँपालिका–५ बस्ने अन्दाजी ४२ बर्षिय तेज बहादुर तामाङ्ग तार जालीको पर्खाल लगाउने क्रममा माटोको ढिस्कोले पुरिएका थिए ।

सशस्त्र प्रहरी बल नेपाल आश्रित गुल्म सोलुखुम्बुबाट खटिएको सुरक्षा फौजले उनको तत्कालै उद्धार गरी जिल्ला अस्पताल फाप्लुतर्फ पठाएको छ । उनको टाउको र कम्मरको भागमा चोट लागेको छ ।