काठमाडौँ । बलिउड अभिनेता अरशद वारसी विवादमा परेका छन् ।

हालै फिल्म ‘कल्की’मा प्रभासको अभिनयमाथि टिप्पणी गरेपछि अभिनेताको चौतर्फी आलोचना भइरहेको हो ।

वास्तवमा अरशदले हालै एक पोडकास्टमा ‘कल्की’ फिल्मको बारेमा राय दिने क्रममा प्रभासको अभिनयमाथि भद्दा टिप्पणी गरेका थिए ।

होस्टले अरशदलाई उनले हेरेको पछिल्लो फिल्म कुन थियो भनि सोधेका थिए । जवाफमा उनले ‘कल्की’ बताउँदै अमिताभ बच्चनको तारिफ गरेका थिए। तर प्रभासको अभिनयमा प्रश्न उठाउँदै अरशदले भनेका थिए, ‘ प्रभास, म साँच्चै दुखी छु, उनी किन जोकर जस्तो भए ? किन ?’

अरशदकाे यस्ताे अभिव्यक्तिसँगै प्रभासका फ्यान उनिमाथि खनिएका छन् ।

‘कल्की’मा प्रभास-अमिताभसँगै दीपिका पादुकोण, कमल हासन र दिशा पटानी पनि थिए।