काठमाडौं । समता घरेलु लघुवित्त वित्तीय संस्थाले २० हजार कित्ता संस्थापक सेयर बिक्रीमा राखेको छ ।

कम्पनीले संस्थापक सेयरधनीहरूको नाममा रहेको सेयर बिक्रीमा राखेको हो ।

यसअघि संस्थाले संस्थापक सेयरधनीले मात्रै खरिद गर्ने पाउने गरी सो सेयर बिक्रीमा ल्याएको थियो । तोकिएको समयमा बिक्री नभएपछि सर्वसाधारणले खरिद गर्न पाउने गरी पुनः बिक्रीमा राखेको हो ।

इच्छुक लगानीकर्ताले एक हप्ताभित्र संस्थाको केन्द्रीय कार्यालय बनेपा–७ काभ्रेपलाञ्चोकमा आफूले खरिद गर्न चाहेको सेयर र मूल्य खुलाई निवेदन दिनुपर्नेछ ।