काठमाडौं । बलिउड अभिनेत्री अनन्या पाण्डेले यसै वर्ष जुलाईमा भएको अनन्त अम्बानी र राधिका मर्चेन्टको विवाहबारे अनुभव साझा गरेकी छिन् ।

हालै एक अन्तर्वार्तामा अनन्याले अम्बानीको हाई प्रोफाइल विवाह समारोहमा सहभागी हुन सेलिब्रेटीहरूले पैसा लिने कुरालाई अस्वीकार गरेकी छन् ।

अनन्याले भनिन्, ‘उनीहरू (अनन्त(राधिका) मेरा साथी हुन्, मानिसहरूले किन यस्तो सोच्छन्, मैले बुझिनँ । उहाँको विवाहमा म निकै नाचेँ, किनभने म मेरा साथीहरूको विवाहमा उपस्थित थिएँ। म उनीहरुको प्रेम मनाइरहेकी थिएँ ।

अनन्त र राधिका ले यही वर्ष जुलाई १२ मा विवाह गरेका थिए । विवाहका हरेक समारोहमा बलिउड सेलिब्रेटीहरु सहभागी भएका थिए । प्रियंका चोपडा, शाहरुख खान, रजनीकान्त, जोन सीना, रणवीर सिंह, सञ्जय दत्त, जान्हवी कपूर र अर्जुन कपुर जस्ता सेलिब्रेटीहरु विवाहमा खूब मनोरञ्जन गरेका थिए ।