काठमाडौं । हालै अजय देवगनको आगामी फिल्म ‘सिंघम ३’ मा सलमान खानको क्यामियो हुने चर्चा थियो । फिल्म ‘दबंग’ काे चुलबुल पाण्डेको भूमिकामा सलमान ‘सिंघम ३’ मा प्रवेश गर्ने सुनिएको थियो ।

तर ई-टाइम्सको रिपोर्टका अनुसार सलमान यस फिल्मको हिस्सा हुने छैनन्। यस विषयमा फिल्म निर्माता रोहित शेट्टीको तर्फबाट भने अहिलेसम्म कुनै प्रतिक्रिया आएको छैन ।

‘ सिंघम ३’ एक मल्टिस्टार फिल्म हो । यसमा ‘सूर्यवंशी’ अक्षय कुमार र ‘सिम्बा’ रणवीर सिंहको पनि महत्वपूर्ण भूमिका रहनेछ ।

यस फिल्ममा करीना कपुर खान, दीपिका पादुकोण, ज्याकी श्राफ, टाइगर श्राफ र अर्जुन कपूर पनि देखिनेछन् । यो फिल्म यस वर्ष दीपावलीको अवसरमा हलमा रिलिज हुँदैछ ।

हाल सलमान एआर मुरुगादाससँग फिल्म ‘सिकंदर’को सुटिङमा व्यस्त छन् । यो फिल्म अर्को वर्षको इदमा रिलिज हुँदैछ । यसमा रश्मिका मन्डन्ना पहिलो पटक सलमानको अपोजिटमा देखिनेछिन् ।