काठमाडाैं । प्रभास र अमिताभ बच्चन स्टारर फिल्म ‘कल्की २८९८ एडी’ मा देखिएका तेलुगु अभिनेता राजेन्द्र प्रसादकी छोरी गायत्रीको निधन भएको छ ।

अभिनेताकी छोरीको मृत्युपछि अल्लु अर्जुन र चिरञ्जीवीलगायत साउथ फिल्मका धेरै कलाकार राजेन्द्रलाई भेट्न उनको घर आएका थिए ।

३८ वर्षीया गायत्रीलाई शुक्रबार राति छातीमा दुखाइ भएपछि उनलाई तत्कालै हैदरावादको एआईजी अस्पताल लगिएको थियो । त्यतिबेला राजेन्द्र प्रसाद सुटिङमा व्यस्त थिए । खबर पाएलगत्तै उनी तत्काल अस्पताल पुगेका थिए । अस्पतालमा उपचारकै क्रममा गायत्रीको शनिबार बिहान हृदयघात भएर निधन भएको हो ।

खबरका अनुसार गायत्रीले बुवा राजेन्द्र प्रसादको इच्छाविपरीत बिहे गरेकी थिइन् जसका कारण बाबु छोरीको सम्बन्धमा चिसोपन आएको थियो । तर, सन् २०१८ मा दुवैबीच मेलमिलाप भएको थियो ।