काठमाडौं । अभिनेता तथा निर्माता दीपकराज गिरीले हालै रिलिज भएको फिल्म १२ गाउँका अभिनेता समिर भट्टको प्रशंसा गरेका छन् ।

एक टेलिभिजन शोमा अन्तरवार्ता दिने क्रममा दीपकराजले समिर धेरै ठुलो सम्भावना बोकेको अभिनेता भएको बताए । कार्यक्रम सञ्चालकले समिरको तस्बीर देखाएर कुन रुपमा चिन्नुहुन्छ भनि साधेपछि जवाफमा उनले भने ‘इडस्ट्रीले पाएको नयाँ स्टार र धेरै ठुलो सम्भावना बोकेको, डान्स, एक्टीङ लगायतको फुल प्याकेज भनिन्छ, मैले उनीमा आफ्नो छोरा देख्नुपर्छ, र देख्छुपनि । यो पुस्ताले मात्रै कति खाने ?’

उनले हरेक १० वर्षमा चलचित्र क्षेत्रले केही नयाँ खोज्ने बताए । ‘हरेक १० वर्षमा सिनेमाले केही न केही चिज परिवर्तन खोज्छ ,यसपाली खोज्यो र यो कुरालाई मैले स्वीकार गर्न सकिँन भने म बिरामी हुन्छु’ दीपकराज भने । उनी आफु बिरामी हुने बाटोमा नरहेको पनि स्पष्ट पारे ।

कार्यक्रम सञ्चालकले समिरमा सुपरस्टार हुने सम्भावना छ भन्दै सोधेका थिए । जवाफमा दीपकराजले भने, ‘डेफिनेट्लि छ, तर यहाँ भनिले सोकल्ड ट्यागलाइन वाला सुपरस्टार नभएर चलचित्र क्षेत्रलाई काँधमा बोक्नसक्ने हुनुपर्छ ।’