काठमाडौँ । प्रधानमन्त्रीको ‘हत्या गर्न सकिने’ अभिव्यक्ति दिएका भ्लगर रतन कार्कीले माफी मागेका छन् । मंगलबार साँझ एउटा भिडियो सन्देश मार्फत उनले भनेका छन्, ‘त्यो शब्दको लागि म माफी चाहन्छु ।’

साफ वुमन्स च्याम्पियन्सिप अन्तर्गत कार्तिक १४ मा दशरथ रंगशालामा भएको फाइनल खेलमा उपस्थित प्रधानमन्त्री केपी शर्मा ओलीलाई लक्षित गरेर उनले प्रधानमन्त्रीको ‘हत्या गर्न सकिने’ अभिव्यक्ति दिएको आरोप लागेको छ । सो अभिव्यक्तिपछि प्रहरीले उनीमाथि अनुसन्धान गरिहरेको छ ।

उनले भने

प्रहरीले पक्राउ गर्ने प्रक्रिया सुरु गरेपछि उनले आफ्नो अभिव्यक्तिबारे स्पष्ट पार्दै भनेका छन्, ‘खेल दौरानमा गेम हारिन्छ जस्तो भएर मार्छु भन्ने शब्द बोल्न पुगेँ । तात्पर्य गलत हो तर, मेरो कमेडी थियो । त्यो शब्द मैले तत्काल हटाएँ । त्यहाँ (मैदानमा) फ्रस्टेशन देखेर त्यस्तो बोलेँ । कसैलाई व्यक्तिगत रूपमा मैले भनेको होइन ।’