काठमाडौं । सेयर बजारमा मंगलबार दोहोरो अंकको गिरावट आएको छ ।

आइतबार र साेमबारमा ८४.६८ अंकले बढेको नेप्से परिसूचक आज ११.२४ अंकले घटेर २,७४८ को विन्दुमा कायम भएको हो ।

मंगलबार ८० कम्पनीको मूल्य बढेको छ भने १५७ कम्पनीको मूल्य घटेको छ । आज ३१२ कम्पनीको १ करोड ६७ लाख ८६ हजार ९३४ कित्ता शेयर किनबेच हुँदा ७ अर्ब ८५ करोड माथिको शेयर कारोबार भएको छ ।

आज सबैभन्दा धेरै गुडविल फाइनान्सको शेयर कारोबार भएको छ । यसदिन कम्पनीको २९ करोड २८ लाख रुपैयाँको शेयर कारोबार भएको छ । वेष्ट फाइनान्सको २९ करोड २५ लाख रुपैयाँको शेयर कारोबार भएको छ । आँखुखोला जलविद्युतको २५ करोड ५९ लाख रुपैयाँको शेयर कारोबार भएको छ ।

आज सबैभन्दा धेरै गराँस लघुवित्त वित्तीय संस्था र मेच्छियाम हाइड्रोपावरका लगानीकर्ताले कमाएका छन् । आज यस कम्पनीका लगानीकर्ताले १० प्रतिशतका दरले कमाएका हुन् ।

आज सबैभन्दा धेरै गुडविल फाइनान्सका लगानीकर्ताले गुमाएका छन् । आज यस कम्पनीका लगानीकर्ताले ९ दशलमव ३६ प्रतिशतका दरले गुमाएका हुन् ।