काठमाडौं । बलिउड अभिनेता शाहरुख खानले दुबई ग्लोबल समिटमा आफ्नो अभिनय करियरको खुलासा गरेका छन् । उनले अभिनय आफ्नो लक्ष्य नभएको बताए । आफु वैज्ञानिक बन्न पढ्दै गरेको तर बुबाको मृत्युपछि पढाइ छोड्नु परेको शाहरुखले बताए।

आफ्नो अभिनय करियरको बारेमा कुरा गर्दै शाहरुख खानले भने– अभिनयको दुनियाँमा प्रवेश गर्ने कुनै योजना थिएन । धेरै पटक मलाई लाग्छ कि मैले गरेको अध्ययनको अभिनेता बन्नुसँग कुनै सरोकार थिएन। त्यतिबेला भारतमा भर्खरै टेलिभिजन आएको थियो र मैले रु १५०० पाइरहेको थिएँ, जुन त्यतिबेला मेरो लागि ठूलो रकम थियो ।

टेलिभिजनमा काम गर्दा बेलाको खुलासा गर्दै शाहरुख खानले भने– एक दिन म स्कुटरमा घर जाँदै थिएँ । मलाई देखेपछि दुई जना महिला चिच्याउन थाले । उनीहरुको खुसी देखेर मैले आफैँलाई भनेँ कि यो त मैले गर्नुपर्ने हो । म जनतालाई खुसी बनाउन चाहन्छु। त्यही भएर म अभिनेता भएँ ।

शाहरुख खानको वर्कफ्रन्टको कुरा गर्दा उनी छोरी सुहानासँग फिल्म ‘किंग’ मा देखिनेछन् । सुजोय घोषको निर्देशनमा बनेको यो फिल्म सन् २०२६ को इदमा रिलिज हुनेछ ।