काठमाडौं । यू-१९ एसिया कपमा नेपालले बंगलादेशलाई १४२ रनको लक्ष्य प्रस्तुत गरेको छ।

आइतबार युएईको दुबई अन्तर्राष्ट्रिय स्टेडियममा भएको खेलमा नेपालले ४५.४ ओभरमा सबै विकेट गुमाउँदै १४१ रन बनाएको हो।

ओपनर आकाश त्रिपाठीले बनाएको ४३ रन बनाएका थिए। उनले ७७ बलमा ५ चौका प्रहार गरे।

यस्तै उत्तम थापा मगरले २९ रन बनाए । अविशेक तिवारीले २९ रन जोडे। अन्य ब्याटरले भने दोहोरो अंकको स्कोर छुन सकेनन्।

बंगलादेशले टस जितेर पहिले फिल्डिङ गर्ने निर्णय लिएको थियो।