रुपन्देही । कृषि तथा पशु विज्ञान अध्ययन संस्थान (IAAS) पक्लिहवा क्यम्पसमा अध्यनरत विद्यार्थीहरूले ब्यवसायिक रुपमै च्याउ खेती सुरु गरेका छन् ।

विद्यार्थीहरुको सस्था युथ फर इन्भारामेन्ट एन्ड सोसियल ट्रान्स्टोमेसन (YEAST) को आयोजना र लगानीमा उनीहरुले कपिलवस्तुको शिदार्थनगर नगरपालिकामा च्याउ खेती सुरु गरेका हुन् ।

च्याउको अहिले बजार राम्रो छ । च्याउ स्वास्थ्यका लागि लाभदायक रहेको र बजारमा यसको माग बढ्दो छ ।
मानव स्वास्थका लागि च्याउलाई महत्वपूर्ण खाद्यान्नको रुपमा लिइन्छ । बजारमा देखिएको बढ्दो मागका कारण पनि रुपन्देहीको पक्लिहवा क्यम्पसका विद्यार्थीहरुले ज्याउ खेती सुरु गरेको बताएका छन् । यो खेती विद्यार्थी अमृत भुसालको संयोजकत्वको अगाडी बढेको छ ।

च्याउमा प्रोटिन पाइने भएकोले उच्च रक्तचाप तथा कोलेस्ट्रोल घटाउन सहयोग पुग्ने भएकोले पनि बजारमा यसको माग बढ्दो रहेको विद्यार्थीहरुको भनाइ छ ।

क्यान्सर रोग र ट्युमर घटाउन, अनावश्यक मोटोपन घटाउन, रक्तनलीमा अवरोधका कारणले हुने समस्यालाई न्यून गर्न पनि च्याउको प्रयोगलाई राम्रो मानिन्छ ।

विद्यार्थीहरुले च्याउमात्रै होइन, व्यवसायिकरुपमा कृषि उत्पादनलाई अङ्गाल्दै करिब १०० मुढा समेत तयार परेका छन् ।