काठमाडौं । नेपाल प्रिमियर लिग (एनपीएल)मा सुदूरपश्चिम रोयल्सले पहिलाे हार व्यहाेरेकाे छ ।

आइतबार त्रिवि मैदानमा भएकाे खेलमा सुदूरपश्चिम चितवन राइनोजसँग ३३ रनले पराजित भएको हाे।

सुदूरपश्चिमले यसअघि भएका आफ्ना ३ वटै खेलमा जित निकालेकाे थियाे । उसले यसअघि विराटनगर किंग्स, काठमान्डु गुर्खाज र लुम्बिनी लायन्सलाई पराजित गरेको थियो ।

आज चितवनले दिएकाे १६५ रनकाे लक्ष्य पछ्याउने क्रममा १८.२ ओभरमा १३१ रनमा अल आउट भएपछि सुदूरपश्चिमकाे अपराजित यात्रामा राेक लागेकाे हाे ।

आजकाे खेलपछि चितवन र सुदूरपश्चिमले ४ खेलबाट समान ६ अंक जाेडेका छन् ।

चितवनले यसअघि काठमान्डु गुर्खाज र पोखरा एभेन्जर्सलाई पराजित गरेको थियो भने कर्णाली याक्ससँग पराजित भएको थियो ।