काठमाडौं । चलचित्र ‘पुष्पा २’ को प्रिमियरको क्रममा भएको भागदौडका क्रममा एक महिलाको मृत्यु भएको प्रकरणमा तीन जना पक्राउ परेका छन् । पक्राउ पर्नेमा थिएटर सञ्चालक सन्दीप, थिएटर म्यानेजर नागराजु र बालकनी सुपरभाइजर रहेका छन् ।

पक्राउको पुष्टि चिक्कडपल्लीका एसीपी एल। रमेश कुमारकले भिडियो शेयर गरेका गरेका छन् । भिडियोमा उनले भनेका छन्– ‘आज जाँचका क्रममा यस घटनामा संलग्न तीन जनालाई पक्राउ गरी अदालतमा पेश गरेका छौँ । यिनीहरूलाई न्यायिक हिरासतमा पनि पठाइएको छ । यसैबिच, घाइते बालक निको भइरहेका छन् ।’

जानकारी अनुसार घटनापछि मृतकका परिवारले प्रहरीमा उजुरी दिएका थिए । तीनै जनाविरुद्ध भारतीय न्याय संहिता ऐनको धारा १०५ र ११८ (१) र ३ (५) अन्तर्गत मुद्दा दर्ता गरिएको छ।

घटना के थियो ?
गएको बुधबार राति हैदरावादको सन्ध्या थिएटरमा ‘पुष्पा २’ को विशेष प्रिमियर थियो । यस कार्यक्रममा फिल्मका मुख्य अभिनेता अल्लु अर्जुन पनि पुगेका थिए । हलबाहिर उनलाई हेर्न भीड जम्मा भएको थियो ।

एक्कासी भागदौड मच्चिँदा रेवती नाम गरेकी एक महिलाको मृत्यु भएको थियो भने ३ जना घाइते भएका थिए । घाइते हुनेमा रेवतीका ९ वर्षीय छोरा श्रेतेज पनि थिए ।

आफ्नो श्रीमती र छोराको अवस्थाको जिम्मेवार अभिनेता अल्लु अर्जुन भएको मृतक महिलाका पतिको भनाइ छ । अभिनेताको टिमले उनी थिएटरमा आउन लागेको कुरा प्रहरीलाई भनेको भए यति ठूलो घटना हुने थिएन भन्ने उनको तर्क छ ।

यो घटनापछि अल्लुले मृतक महिलाको परिवारलाई २५ लाख भारु सहयोग गर्ने घोषणा गरेका छन् ।