काठमाडाैं । अभिनेत्री रश्मिका मन्दना यतिबेला फिल्म ‘पुष्पा २’ को सफलताको मजा लिइरहेकी छिन् । अभिनेत्री अब चाँडै सलमान खानको फिल्म सिकन्दरमा देखिनेछिन् ।

रश्मिकाले हालै फिल्मको सुटिङको क्रममा भएकाे एउटा घटना सेयर गरेकी छिन् । उनले सेटमा आफु बिरामी पर्दा सलमान खानले निकै ख्याल राखेको बताइन् ।

इन्डिया टुडेसँग कुरा गर्दै रश्मिकाले भनिन्, ‘सलमानसँग काम गर्नु मेरो लागि सपना साकार भएको जस्तो हो । उहाँ एक साधारण र डाउन टु अर्थ व्यक्ति हुनुहुन्छ। जब शूटिंङकाे क्रममा मलाई ठीक थिएन। सलमानले थाहा पाउने बित्तिकै मलाई म ठीक भए नभएकाे सोधे र क्रु लाई स्वस्थ खाना, तातो पानी र अन्य सबै कुरा दिन भने।’

मिडिया रिपोर्टका अनुसार रश्मिका र सलमानले हालै एउटा उत्सव गीतको सुटिङ गरेका छन् । यस वर्षको अन्त्यसम्ममा युरोपमा थप दुई गीत छायांकन हुनेछ । यसबाहेक, फिल्मको पहिलो पोस्टर सलमानको जन्मदिन अर्थात् २७ डिसेम्बरमा रिलिज हुने खबर पनि आएको छ ।

फिल्म सिकन्दर सन् २०२५ मा रिलिज हुनेछ।