काठमाडौं । नेपाल प्रिमियर लिग (एनपीएल) मा सुदूरपश्चिम रोयल्सले पोखरा एभेन्जर्सलाई १५४ रनको लक्ष्य दिएको छ ।

त्रिवि मैदान कीर्तिपुरमा आइतबार भएको खेलमा सुदूरपश्चिमले निर्धारित २० ओभरमा ७ विकेट गुमाएर १५३ रन बनाएको हो ।

सुदूरपश्चिमका लागि आरिफ सेखलेले सर्वाधिक ४२ रन बनाए । ब्रान्डन म्याकमुलमले २३ रन थपे । कप्तान दीपेन्द्रसिंह ऐरीले १६ बलमा एक चौकासहित २० रन जोडे ।

यस्तै, ओपनर विनोद भण्डारीले १४, हर्मित सिंहले १३ र इशान पाण्डेले १० रन बनाए । पाण्डे १९औँ ओभरको पहिलो बलमा ‘रिटायर्ड आउट’ भएका थिए ।