काठमाडौं । नेकपा एमालेको केन्द्रीय कमिटी बैठक आज दोस्रो दिन पनि जारी छ । ललितपुरको च्यासलस्थित पार्टी केन्द्रीय कार्यालयमा बैठक बसिरहेको हो ।

बैठकमा आइतबार अध्यक्ष केपी शर्मा ओलीले पेस गरेको राजनीतिक र महासचिव शंकर पोखरेलले पेस गरेको सांगठनिक प्रतिवेदनमाथि केन्द्रीय सदस्यहरुले आफ्ना धारणा राखिरहेका छन् ।

प्रतिवेदनमाथि आइतबार २७ जना केन्द्रीय सदस्यहरुले आ–आफ्नो धारणा राखेका थिए । बाँकी रहेकाले आज धारणा राखेपछि निष्कर्ष प्रस्तुत गरिने जनाइएको छ ।