नेकपा एमालेका सचिव तथा सुदूरपश्चिम प्रदेश इञ्चार्ज लेखराज भट्टले विचार र सिद्धान्तमा पराजय भोगेकाहरुले एमाले छाडेको भनेर कुप्रचार गरिरहेको बताएका छन् ।

सामाजिक सञ्जालमा आफूसहितका नेता, कार्यकर्ताले पार्टी छाडेको भनेर गलत प्रचार गरिएको भन्दै भट्टले आम नागरिकलाई भ्रममा नपर्न आग्रह गरेका छन् र उनी एमालेमै रहेको बताएका छन्

पूर्वसचिव भीम उपाध्यायले फेसबुकमा स्टाटस लेख्दै एमाले सचिव लेखराज भट्टसहितका ४६ जनाले पार्टी परित्याग गरेको स्टाटस लेखेका थिए ।

सामाजिक संजालमा आफ्ना विषयमा भ्रमपूर्ण सन्देश लेखिएको भट्टको भनाइ छ । ‘यथार्थ कुरो के हो भन्ने कुरा सम्बन्धित व्यक्तिलाई बुझेर लेख्ने गरे हुन्थ्यो, सामाजिक संजालमा भ्रम फैलाइयो,’ उनले भने, ‘म केन्द्रीय समितिमा सहभागी भएका भिडियो फुटेज आइरहेको देख्नुभएको होला ।’