लस एन्जलस । अमेरिकाको लस एन्जलस सहरमा डढेलोका कारण लाखौं मानिस त्रस्त बनेका छन् । डढेलो सुरु भएको ४ दिन बितिसक्दा पनि नियन्त्रणमा आउने कुनै संकेत देखिएको छैन । 

यस्तोमा बिहीबार मध्याह्न डढेलोसम्बन्धी टेक्ष्ट अलर्टले सो क्षेत्रमा अर्को त्रास फैलायो । अलर्ट त्रुटिबस लाखौं मानिसको मोबाइलमा गएको थियो । सन्देशमा जोखिमयुक्त ठाउँ छाडेर जान भनिएको थियो । त्यसपछि मानिसहरू आफू खतरामा छु कि छैन भनेर सोधखोज गर्न लागे । तर केही समयपछि सो अलर्ट सच्चिएर आयो । तर यसपछि सर्वसाधारणमा एक खाले क्रोध देखा परेको छ ।

यस्तो विपद्को समयमा जिस्किएको भन्दै सर्वसाधारण रिसाएरहेका छन् । डढेलोमा परेर मर्नेको संख्या १० पुगेको छ । यो अहिलेसम्म पुष्टि भएको संख्या हो । यो संख्या अरु बढ्ने अनुमान गरिएको छ । आगो अनियन्त्रित बन्दै जाँदा आगोमा चपेटामा आएका मान्छेको ज्यान जोगाउन र सम्पत्ति बचाउन दुष्कर बन्दै गइरहेको छ ।