काठमाडौं । यू-१९ टी२० महिला विश्वकपको पहिलो खेलमा नेपाल बंगलादेशसँग ५ विकेटले पराजित भएको छ।

मलेसियामा भएको खेलमा नेपालले दिएको ५३ रनको कमजोर लक्ष्य बंगलादेशले ५ विकेट गुमाएर १३.२ ओभरमै पुरा गर्‍यो।

बंगलादेशका लागि सुमैया अख्तर सुवर्णले ४, फाहोमिदा चोयाले १, जुइरिया फिरदौसले २, सादिया इस्लामले १६ र सुमैया अख्तरले १२ रनको योगदान दिए। त्यस्तै अफिया आशिमा युगले ९ र जन्नतुल माउवाले ५ रन बनाइन्।

टस हारेर पहिले ब्याटिङ गरेको नेपाल ५२ रनमा अलआउट भएको थियो।