काठमाडौं । सामाजिक सञ्जाल एप टिकटक अमेरिकामा बन्द भएको छ ।

यहाँ प्रतिबन्ध लागू हुनुभन्दा केही घण्टाअघि नै टिकटक बन्द भएको हो ।

वास्तवमा अमेरिकी सर्वोच्च अदालतले शुक्रबार टिकटकमाथि प्रतिबन्ध लगाउने कानूनको पक्षमा फैसला गरेको थियो ।

त्यसपछि टिकटकले एक विज्ञप्ति जारी गर्दै जो बाइडन, ह्वाइट हाउस र न्याय विभागले हामीलाई स्पष्टता र आश्वासन दिन असफल भएको बताएको थियो ।

अहिले अमेरिकी प्रयोगकर्ताहरूले टिकटक खोल्दा “तपाईं अहिले टिकटक प्रयोग गर्न सक्नुहुन्न” भन्ने सन्देश देखिन्छ ।