काठमाडौं । नेकपा एकीकृत समाजवादी घाटामा चलिरहेको छ ।

पार्टीले सार्वजनिक गरेकाे वार्षिक लेखापरीक्षण प्रतिवेदनका अनुसार पार्टी ३२ लाख ८७ हजार १६४ रूपैयाँ घाटामा रहेकाे हाे ।

आर्थिक वर्ष ०८०/०८१ को आयव्ययको लेखापरीक्षण प्रतिवेदनअनुसार पार्टीको यस आर्थिक वर्षको लेखापरीक्षण प्रतिवेदनमा २०८० असोजमा सञ्चालित मेची-महाकाली जागरण अभियान, २०८१ जेठमा सम्पन्न पार्टीको दशौँ राष्ट्रिय महाधिवेशन र यसैवर्ष सम्पन्न स्थानीय तहको उपनिर्वाचनमा भए/गरेको खर्च विवरण उल्लेख छ ।

गत आर्थिक वर्षमा ४ करोड २४ लाख ५३ हजार ६ सय ९१ रुपैयाँ आम्दानी भएको छ । त्यस्तै, खर्चतर्फ ४ करोड ५७ लाख ४० हजार ८ सय ५४ रूपैयाँ खर्च भएको छ ।

चालु वर्षमा पार्टी ३२ लाख ८७ हजार १६४ रूपैयाँ पार्टी घाटामा रहेको विवरण उल्लेख छ ।