बागलुङ । उपप्रधानमन्त्री एवम् शहरी विकास मन्त्री प्रकाशमान सिंहले लोकतन्त्रलाई प्रहार गर्न चाहने तत्वहरू नेपाली कांग्रेसलाई कमजोर बनाउने प्रयासमा रहेको बताएका छन् । 

मंगलबार नेपाली कांग्रेस बागलुङले आयोजना गरेको कार्यकर्ता भेटघाट तथा अन्तरक्रिया कार्यक्रममा मनत्री सिंहले कांग्रेस कमजोर भए लोकतन्त्र कमजोर हुने दाबी गरे । विगतमा जनताको गुमेको अधिकार नेपाली कांग्रेसले पुनःस्थापित गरेको भन्दै अहिले प्राप्त अधिकारको रक्षाका लागि सुदृढ र एकतावद्द कांग्रेस आवश्यक रहेकोमा उपप्रधानमन्त्री सिंहको जोड छ । 

त्यस्तै, सिंहले अहिले कांग्रेस र एमालेबीचको सहकार्य स्थिर सरकार होस् भन्ने नागरिकको चाहना र समयको मागअनुसार नै भएको पनि प्रष्ट पारे। सरकार ७ बुँदे सहमतिकै भावना अनुसार अघि बढिरहेको भन्दै  सहमति अनुसार नै कांग्रेस– एमालेबिच सत्ता सहयात्रा अघि बढ्ने दाबी गरे । सहमति अनुसार नै कांग्रेस सभापति शेरबहादुर देउवाको  नेतृत्वमा चुनाव हुने मन्त्री सिंहको भनाई छ ।  

उपप्रधानमन्त्री सिंहले कांग्रेसको स्वभाव सबैलाई मिलाएर अघि बढ्ने रहेको भन्दै पार्टीभित्र पनि  सबै पक्षलाई नेतृत्वमा रहनेले मिलाएर अघि बढ्नुपर्नेमा जोड दिए ।