काठमाडौं । आईसीसी यू–१९ महिला विश्वकपको प्लेअफमा नेपालले मेलसियालाई पराजित गरेको छ ।

मलेसियाको जोहोर क्रिकेट एकेडेमीमा शुक्रबार भएको खेलमा नेपालले मलेसियालाई ७ विकेटले पराजित गरेको हो।

नेपालले टस जितेर फिल्डिङ राजेपछि पहिले ब्याटिङमा उत्रिएकाे मलेसियाले १६.५ ओभरमा अलआउट हुँदै ४५ रन बनाएकाे थियाे ।

मलेसियाले दिएको ४६ रनको लक्ष्य नेपालले ११ ओभरमा ३ विकेटको क्षतिमा पूरा गर्‍यो ।

यो जितसँगै नेपालको विश्वकप यात्रा समाप्त भएको छ । जारी खेलमा मलेसिया भने जितविहिन रहँदै बाहिरिएको छ।