काठमाडौं । राष्ट्रिय स्वतन्त्र पार्टी (रास्वपा) का सांसदहरूले प्रतिनिधि सभाको बैठक बहिष्कार गरेका छन् ।

अवरोधकाबीच सभामुख देवराज घिमिरेले बैठक सञ्चालन गरेपछि रास्वपाले बैठक बहिष्कार गरेको हो । रास्वपा सांसदहरू बैठक हलबाट बाहिर निस्किएका छन् ।

शुक्रबार दिउँसो बैठक सुरु भएलगत्तै रास्वपाका सांसदले विशेष समय माग्दै उभिएर बिरोध जनाएका थिए । तर सभामुखले उनीहरुलाई बोल्न नदिएरै कार्यसूची अनुसार बैठक अघि बढाएपछि रास्वपाका सांसद बैठक बहिस्कार गरेर बाहिरिएका हुन् ।

अहिले संसदमा प्रधानमन्त्री केपी शर्मा ओली बोलिरहेका छन् ।