काठमाडौं । प्रधानमन्त्री केपी शर्मा ओलीले ६ महिनामा ‘सत्तापत्ता’ खेलिरहने विद्रुप स्थितिमा अब ‘बन्ध्याकरण’ भएको टिप्पणी गरेका छन् ।

शुक्रबारबाट सुरु भएको प्रतिनिधिसभा बैठकलाई सम्बोधन गर्दै प्रधानमन्त्री ओलीले यस्ताे बताएका हुन् ।

“सत्ताको नाउमा प्वाल पारेर फुत्त अर्कै र मुलुक एवं जनतालाई तिरस्कार गर्दै सत्तापत्ता खेलिरहने विद्रुप स्थितिमा अब बन्ध्याकरण भएको छ,” उनले भने ।

प्रधानमन्त्री ओलीले संसद्‌मा विश्वासको मत लिइरहनुपर्ने विषयबाट मुक्ति मिलेको बताए । “संसद्समक्ष बारम्बार विश्वासको मत लिनुपर्ने तमासाबाट हामी मुक्त भएका छौँ । आज म जनता र संसद्को भरोसाले भरिएको आत्मविश्वास लिएर उपस्थित भएको छु,” उनले भने ।