काठमाडौं । टाटाको आधिकारिक बिक्रेता सिप्रदी ट्रेडिङले नेपालमा टाटा नेक्सनको नयाँ के–थ्री मोडल सार्वजनिक गरेको छ। अत्याधुनिक प्रविधि र आकर्षक डिजाइनमा आधारित यो मोडल ४५ किलोवाट आवर क्षमताको प्रिज्म्याटिक ब्याट्रीसहित उपलब्ध छ।

नेक्सन के–थ्रीको प्रमुख आकर्षणमा ठूलो पानारोमिक सनरुफ, नयाँ स्टेरिङ ह्वील, क्लोजअफ ग्रिल, र मोर्डन ड्यासबोर्ड रहेको छ। यसमा ३६० डिग्री क्यामरा सुविधा पनि समावेश गरिएको छ।

नेक्सन के–थ्रीमा ९८ किलोवाट क्षमताको मोटर जडान गरिएको छ। यो मोडललाई ७.२ किलोवाटको एसी चार्जर र ६० किलोवाटसम्मको डिसी चार्जरले चार्ज गर्न सकिनेछ। कम्पनीले यसमा चार तहको रिजेनेरेटिभ ब्रेकिङ सिस्टम पनि दिएको छ।

नेक्सन के–थ्री ईभीले भारत एनक्यापमा ५ स्टार सुरक्षा रेटिङ प्राप्त गरेको छ। सुरक्षाका दृष्टिकोणले यो मोडल उत्कृष्ट मानिएको छ। साथै, १९० एमएम ग्राउन्ड क्लियरेन्स र ३५० लिटरको बुट स्पेस यसले प्रयोगकर्ताको आवश्यकता पूरा गर्नेछ।

कम्पनीका अनुसार नेक्सन के–थ्रीको मूल्य ४८ लाख ९९ हजार रुपैयाँ तोकिएको छ। आजैबाट यसको बुकिङ खुला भएको छ।