सर्लाही । सशस्त्र प्रहरीले सर्लाही जिल्लाको मलंगवा नगरपालिका–४ स्थित शिवसागर चोकबाट यहि माघ २५ गते राती ३३ लाख ३२ हजार ५ सय रुपैयाँको लत्ताकपडा र भ्यानसहित एक जनालाई नियन्त्रणमा लिएको छ ।

सशस्त्र प्रहरी बल, नेपाल नं. १० गण सर्लाही र प्रस्तावित सीमा सुरक्षा गुल्म मलंगवाले बा ८ च ८०१६ नम्बरको म्याजिक भ्यानलाई शंका लागि जाँच गर्दा विलविजक र प्रज्ञापन पत्र नभएको २५ लाख ३२ हजार ५ सय रुपैयाँको २ सय ४० पिस साडी र सिआरईपी कपडासहित गाडी नियन्त्रणमा लिएको हो ।

गाडी चालक बारा जिल्लाको पचरौता नगरपालिका–९ बेलवारी बस्ने ३७ बर्षिय लखिन्द्र राउत कुर्मीलाई समेत नियन्त्रणमा लिईएको छ ।

नियन्त्रणमा लिईएका राउतलाई गाडी र कपडासहित आवश्यक कारवाहीको लागि माघ २७ गते सर्लाही भन्सार कार्यालय मलंगवामा बुझाईएको छ ।