काठमाडौं। गायिका एलिना चौहानले आफ्ना पूर्वपति विष्णु सापकोटालाई सम्बोधन गर्दै सामाजिक सञ्जाल फेसबूकमा भावुक स्ट्याटस लेखेकी छन् ।

मंगलबार सामाजिक सञ्जालमा स्टाटस लेख्दै उनले आजदेखि आ(आफ्नो गन्तव्य तय गर्न बाटो खुलेको बताएकी हुन्। ‘प्रिय विष्णु, आजदेखि स्वतन्त्र भएर कानुनी रूपमै आ(आफ्नो गन्तव्य तय गर्न बाटो खुलेको छ,’ उनले फेसबुकमा लेखेकी छन्, ‘हाम्रो सम्बन्धमा अल्पायुमै पूर्णविराम लागेको छ। यो रहरले होइन। जुन बाध्यता तिमी, मलाई र भगवानलाई मात्र थाहा छ।’

अदालतबाट बाहिरिएलगत्तै उनले पूर्वपति विष्णु सापकोटालाई सम्बोधन गर्दै प्रगतिको शुभकामना समेत दिएकी छन्।

२०८१ गत वैशाख ५ गते बिहे गरेकी एलिनाले काठमाडौं जिल्ला अदालतमा हालेको सम्बन्ध विच्छेदको मुद्दाको मागअनुसार आदेश भएपछि यी दुईजना कानुनी रुपमा छुट्टिएका छन् ।