काठमाडौं । भारतीय प्रसिद्ध युट्युबर रणवीर इलाहाबादियाविरुद्ध मंगलबार इन्दौरको तुकोगञ्ज पुलिस स्टेशनमा उजुरी दर्ता भएको छ।

कमेडियन समय रैनाको युट्युब शो ‘इन्डियाज गट लेटेन्ट’ मा रणवीरले आपत्तिजनक र अश्‍लील बयान दिएको भन्दै उजुरी दर्ता भएको हो ।

यो उजुरी स्थानीय वकिल अमन मालवीयले दायर गरेका हुन्। रणवीर इलाहाबादिया, समय रैना र शोसँग सम्बन्धित अन्य सेलिब्रेटीहरूले अभद्रताको सबै सीमा नाघेका र अभिव्यक्ति स्वतन्त्रताको दुरुपयोग गरिरहेको उनको भनाइ छ। मालवीयसँगै अन्य वकिलहरूले पनि प्रहरी चौकी पुगेर रणवीर र समयविरुद्ध कारबाही र शोमा प्रतिबन्ध लगाउन माग गरेका छन्।

के थियो विवाद ?
३१ वर्षीय इलाहाबादियाको पनि ‘बियरबिसेप्स’ नामले प्रसिद्ध एक शो छ । हालै ‘इन्डियाज गट लेटेन्ट’ नामको शो पुगेका उनले आमाबाबु र यौन सम्बन्धमा विवादास्पद टिप्पणी गरेका थिए। यो भनाइ सामाजिक सञ्जालमा भाइरल भएसँगै ठूलो विरोध सुरु भएको छ ।

बढ्दो विवाद पछि, इलाहाबादियाले माफी मागेकी छिन् । उनले याे आफ्नो खराब निर्णयको गल्ती भएकाे बताए ।

रणवीरले शो निर्माताहरूलाई विवादास्पद भाग हटाउन आग्रह गरेपछि अहिले हटाइएको छ ।

यसअघि पनि यस मामिलामा असम प्रहरीले रणवीर र अन्य चार जनाविरुद्ध मुद्दा दर्ता गरेको थियो। अब यस विषयमा थप के कारबाही हुन्छ त्यो भने हेर्न बाँकी छ ।