काठमाडौं। प्रधानमन्त्री केपी शर्मा ओलीले जाजरकोटमा भूकम्पबाट पीडितका नाममा भ्रष्टाचार भएको बताएका छन् ।

सांसदले साेधेकाे प्रश्नको जवाफ दिने क्रममा ओलीले कुल ३९ हजार घुरी घर भएको ठाउँमा ४८ हजारलाई पहिलो किस्तास्वरुप रकम वितरण गरिएको भन्दै प्रश्न उठाए ।

‘जाजरकोटमा ३७ हजार घरधुरी भएको ठाउँमा ४८ हजार घरलाई पहिलो किस्ता वितरण गरेको छ । त्यो ठाउँमा ३७ हजार घर भत्किएर ४८ हजारलाई कसरी वितरण गरियो, के भएर यस्तो भयो ?,’ ओलीले प्रश्न गरे ।

जाजरकोट भूकम्पबाट प्रभावित जिल्लाहरूमा हालसम्म ३ अर्ब ९५ करोड ६५ लाख रकम निकासा भैसकेको ओलीकाे भनाइ छ ।