शनिबार, चैत ९, २०८१

वर्षमानलाई ओलीको जवाफ : अर्थतन्त्रको चिन्ता गर्नुअघि आफू अर्थमन्त्री भएको बेला सम्झिनू

मेरोन्यूज २०८१ फागुन ४ गते १५:१२

काठमाडौं । प्रधानमन्त्री केपी शर्मा ओलीले नेकपा (माओवादी केन्द्र)का उपमहासचिव वर्षमान पुनलाई अर्थतन्त्रको चिन्ता गर्नुअघि आफू अर्थमन्त्री बनेको बेला सम्झनू भन्दै जवाफ दिएका छन् ।

प्रतिनिधिसभामा जारी प्रश्नोत्तरका क्रममा पुनले देशको अर्थतन्त्र झन कमजोर भएको र सरकार अध्यादेशमै रमाइरहेको भन्दै प्रधानमन्त्रीसँग जवाफ माग गरेका थिए।

जवाफमा ओलीले भने, “देशको अर्थतन्त्रका चिन्ता गर्नुभएकोमा यस अघिका अर्थमन्त्रीलाइै सातमहिना अघि तपाईं आफैं अर्थमन्त्री हुनुहुन्थ्यो । त्यससमय अगाडि र त्यसयतको मूल्य वृद्धिको अनुपात हेर्न म यहाँलाई आग्रह गर्दछु ।”

प्रधानमन्त्री ओलीले आँकडामा प्रश्नोत्तर गर्ने बानी बसाउनुपर्ने बताए । उनले पुँजिगत खर्च वर्षमान पुन अर्थमन्त्री भन्दा बढी भएको जवाफ समेत दिए ।

प्रतिक्रिया