काठमाडाैं । हिजाे बुधबारबाट प्रदर्शनमा आएकाे फिल्म ‘लाज शरणम्’ ले आक्रामक ओपनिङ गरेको छ।

शिवरात्रीको अवसर पारेर रिलिज भएकाे फिल्मले पहिलो दिन १ करोड १० लाख ग्रस कलेक्सन गरेको हो।

कुमार कट्टेलले निर्देशन गरेको चलचित्रमा सिताराम कट्टेल, विजय बराल, अर्जुन घिमिरे, सागर लम्साल, हरिष निरौला, महेश त्रिपाठी, अर्पण थापालगायत कलाकार मुख्य भूमिकामा छन् ।

जेपीटी क्रियसनको ब्यानरमा निर्माण भएको चलचित्रमा नवीन श्रेष्ठ निर्माता, राम नरेश शाह र सिर्जना खड्का सहनिर्माता छन् ।

रिलिजअघि नै ‘लाज शरणम्’ को १५ लाख मूल्य बराबरको अग्रिम टिकट बिक्री भएको थियो।