काठमाडौँ । गायिका अस्मिता अधिकारी र गायक महेश काफ्ले वैवाहिक जीवनमा बाँधिएका छन् ।

बिहीबार काठमाडौँमा आयोजित समारोहमा उनीहरूले लगनगाँठो कसेका हुन् ।

विवाह समारोहमा दुवै तर्फका परिवार, आफन्त र निकट संगीतकर्मी उपस्थित छन् । उनीहरुकाे विवाह अगाडि हल्दी, मेहेन्दी लगायतका सेरेमोनी आयोजना भएको थियो ।

लामो समयदेखि प्रेम सम्बन्धमा रहेका अस्मिता र महेशले गत असारमा दुबईस्थित संसारको अग्लो टावर ‘बुर्ज खलिफा’ अगाडि इन्गेजमेन्ट गरेका थिए । दुवैले साङ्गीतिक सहकार्य समेत गरेका छन् ।