काठमाडौं । च्याम्पियन्स ट्रफीको फाइनल खेल आइतबार दुबई अन्तर्राष्ट्रिय रंगशालामा भारत र न्युजिल्यान्डबीच हुँदैछ ।

यस प्रतियोगिताको उपाधिका लागि दुवै टोली २५ वर्षपछि आमनेसामने हुँदैछन् ।

समूह चरणका १२ खेल र दुई सेमिफाइनलपछि भारत र न्युजिल्यान्ड उपाधिका लागि भिड्न लागेका हुन्। खेल आज (आइतबार) दिउँसो पौने ३ बजे सुरु हुँदैछ।

भारतले हालसम्म २ पटक यो प्रतियोगिताको ट्रफी जितेको छ भने न्युजिल्यान्डले एक पटक उपाधि चुमेको थियो ।

सन् २००० मा भएको दोस्रो संस्करणको च्याम्पियन्स ट्रफीको फाइनलमा भारतले न्यूजिल्याण्डसँग हार ब्यहोर्नुपरेको थियो । यसपटक सोही हारको बदला लिने अवसर भारतले पाएको छ ।

यता एकपटक मात्र उपाधि चुमेको न्यूजिल्याण्ड दोस्रोपटक ट्रफी जित्न चाहान्छ । हालसम्म अष्ट्रेलिया र भारतलेमात्र दुईपटक च्याम्पियन्स ट्रफी जितेका छन् । न्युजिल्यान्डले सन् २०१५ र २०१९ को विश्वकप फाइनल खेलेको थियो। तर, दुवै अवसरमा पराजित रह्यो।